മുതുവല്ലുരിൽ പാലിയേറ്റീവ് ഓഫീസ് ടി.വി. ഇബ്രാഹീം എം.എൽ എ ഉദ്ഘാടനം ചെയ്തു
കൊണ്ടോട്ടി: മുതുവല്ലൂർ പഞ്ചായത്ത് പാലിയേറ്റീവ് കെയർ അസോസിയേഷൻ ഓഫീസ് മുതുവല്ലൂരിൽ .ടി.വി. ഇബ്രാഹീം എം.എൽ എ ഉദ്ഘാടനം ചെയ്തു. പാലിയേറ്റീവ് കമ്മിറ്റി പ്രസിഡണ്ട് കെ.എ - സഗീർ ചടങ്ങിൽ അദ്ധ്യക്ഷത വഹിച്ചു. സിക്രട്ടറി കെ എൻ.ബഷീർ സ്വാഗതം പറഞ്ഞു. പഞ്ചായത്ത് പ്രസിഡണ്ട് പി.ബാബുരാജ് , ജില്ലാ പഞ്ചായത്ത് മെമ്പർമാരായ പി - കെ- സി. അബ്ദുറഹിമാൻ , എം.പി. ഷരീഫ ടീച്ചർ, ബ്ലോക്ക് സ്റ്റാന്റിംഗ് കമ്മിറ്റി ചെയർപേഴ്സൺ മുഹ്സില ശഹീദ്, പഞ്ചായത്ത് വൈസ് പ്രസിഡണ്ട് നദീറ മുംതാസ്, പഞ്ചായത്ത് വികസന സ്റ്റാൻഡിങ് കമ്മിറ്റി ചെയർമാൻ ഷിബു , ബ്ലോക്ക് മെമ്പർ ഷീജ, സി.ഡി എസ് പ്രസിഡണ്ട് ഷഹർബാൻ, കിഴിശ്ശേരി പാലിയേറ്റീവ് സെക്രട്ടറി അബ്ദുൽ മജീദ്, കെ പി ബാപ്പു ഹാജി, സുബ്രമണ്യൻ, അസ്ലം ഷേർഖാൻ തുടങ്ങിയവർ പ്രസംഗിച്ചു. മുതുവല്ലൂർ പാലിയേറ്റീവിന് അടുത്ത വർഷം ഒരു വാഹനം അനുവദിക്കുമെന്ന് എം എൽ .എ . ചടങ്ങിൽ പ്രഖ്യാപിച്ചു. പാലിയേറ്റീവിന് വാഹനം എന്ന ലക്ഷ്യത്തോടെ മുണ്ടിലാക്കൽ ടൈസാസ് ക്ലബ്ബിന്റെ ആഭിമുഖ്യത്തിൽ അഖില കേരള ഫൈവ്സ് ഫുട്ബോൾ ടൂർണമെൻറ് സംഘടിപ്പിക്കുന്നതിൽ ടൂർണമെൻറ് കമ്മിറ്റിയെ യോഗം അഭിനന്ദിച്ചു.പാലിയേറ്റീവ് കമ്മിറ്റി ട്രഷറർ ഹസനുൽ ബന്ന നന്ദി പറഞ്ഞു.